vandaga wast were zo verre
goe wind en golven en min maoten de echte sterre
't wa ne dag wovan ge peist da vergeet e nie
mega shorebreak, ik pakke minne 5.3
k zitte als eerste up 't water
Tomke volgt, nie vele later
min 1e golve, ne zalige steile bak
k springe en k komme neere me ne ferme kwak
ei, wa is Tomke gebleven
zit ie up de strange me zin knietjes te beven?
mobeneje, ie zit nog geen 5 minuten up de zjee
en ie brak zinne mast in twee
ie a in de brandinge tevele an zinne mast gesleurd
ma ie wa kontent want zin zeil wa nie geskeurd
en ik mo vloeken up die klotewind
die grieken ant verstaon, k wa nie goe gezind
gelukkig kwamek were in form
en wa de wind terug een beteke no minne norm
ne front proberen, kwak up min meulle
ke minne helm an, gelukkig gin bulle
Mo van al die klungerige stoten
is minne rugge were no de kloten
up de strange troostek minne moat
die nu al lichtjes deureslaot
Vo onze ogen goat den Dirk un zinne bek
2 metergolven en ie lat los, de gek!
We springen in de wilde zee
te loate, ne 2 dagen oude mast, were in twee
alle, vandaoge wak kik de gelukzak
want k wa den enigsten die nieten brak.
